Category archive

სიახლეები - page 26

კლიმატის ცვლილებისადმი მიძღვნილი კვირეული

21 ოქტომბერს ქ. თბილისში და ქ. ქუთაისში ოფიციალურად გაიხსნება, კლიმატის ცვლილებისადმი მიძღვნილი კვირეული, რომელშიც ორგანიზატორებთან ერთად მონაწილეობენ სხვადასხვა არaსამთავრობო ორგანიზაციების წარმომადგენლები.
2012 წლის კლიმატის კვირეული ლოზუნგია: 

დავიწყოთ მცირედით – ერთად და ნელ-ნელა!

თბილისი. 21 ოქტომბერი
კვირეულის გახნა 
1100 – 1200 მსვლელობა მეტრო რუსთაველის მიმდებარე ტერიტორიიდან თბილისის საკრებულომდე;
1200–1230 კვირეულის ოფიციალურად გახსნა ევროკომისიის დელეგაციის წარმომადგენლებთან ერთად; 
1230 –1300 მსვლელობა საკრებულოდან მეტეხის ხიდისკენ
1300 – 1330 მეტეხის ხიდთან აქციის მონაწილეებს შეუერთდებიან მტკვარზე მოცურავე ნიჩბოსნები (10 ნავი –ათი ნიჩბოსნით);
1400 დახურვა

ქუთაისი. 21 ოქტომბერი
კვირეულის გახსნა

1130 – საქართველოს პარლამენტის ახალ შენობასთან (გასართობი ცენტრი ,,სულიკოს‘’ მიმდებარე ტერიტორია) ოფიციალურად გაიხსნება კლიმატის კვირეული, რომელშიც მონაწილეობას მიიღებენ საქართველოში მოქმედი გარემოსდაცვითი და სამოქალაქო სექტორის წარმომადგენლები. 
1200 – კვირეულში მონაწილე არასამთავრობო ორგანიზაციების წარმომადგენლები მე-9 მოწვევის საქართველოს პარლამენტის წევრებსა და პარლამენტის გარემოს დაცვისა და ბუნებრივი რესურსების კომიტეტის თავმჯდომარეობის კანდიდატს ბატონ გია ცაგარეიშვილს გადასცემენ გარემოსდაცვით საკითხებთან დაკავშირებით შემუშავებული მიმართვის ტექსტს. 

შემოგვიერთდით !!!
კლიმატის ცვლილება … ეს არ არის მითი – ეს რეალობაა!!!

კლიმატის ცვლილებისადმი მიძღვნილი კვირეული წელს ისევე, როგორც წინა წლებში ტარდება საქართველოს მწვანეთა მოძრაობა/დედამიწის მეგობრები – საქართველოს ორგანიზებით, საქართველოში ევროკომისიის დელეგაციის წარმომადგენლობის მხარდაჭერით. 
კვირეულის მიზანია, საზოგადოების მობილიზება და მისი აქტიური ჩართვა კლიმატის ცვლილებით გამოწვეული პრობლემების შერბილების პროცესებში. კვირეულის ფარგლებში მთელი კვირის განმავლობაში სხვადსახვა ღონისძიებებია დაგეგმილი მთელი ქვეყნის მასშტაბით. 

დასუფთავების აქცია ლაგოდეხის ნაკრძალში

13-14 ოქტომბერს პროექტის „დავასუფთაოთ საქართველო“ კამპანიის ფარგლებში ლაგოდეხის ნაკრძალის 100 წლის იუბილესთან დაკავშირებით, ჩატარდა ნაკრძალისა და მისი მიმდებარე ტერიტორიის დასუფთავების აქცია.
აქციაში მონაწილეობა მიიღეს ილიას უნივერსიტეტისა და ი. ჯავახიშვილის სახელობის სახელმწიფო უნივერსიტეტის სტუდენტებმა, სამოდელო სააგენტოს Fame Agency-ის მოდელებმა, Sweco Environment AB–ის ნარჩენების მართვის ექსპერტებმა საქართველოში: ინგრიდ ჰასტიდმა და მარტინ ვან პრააგმა და ადგილობრივმა მოსახლეობამ. 
აქციის დროს, რომელშიც მონაწილეობას ღებულობდა 50-მდე მოხალისე. დასუფთავდა ტურისტული ბილიკების ორივე მხარე და ნაკრძალის მიმდებარე ტერიტორიის 3 ჰა ფართობი პოლიეთილენის ჭიქების, ბოთლებისა და პარკებისაგან. შეგროვდა 2 მ3 ნარჩენი, რომელიც დასუფთავების სამსახურის მიერ განთავსებული იქნა ნაგავსაყრელზე.
დასუფთავების აქცია ჩატარდა პროექტის “დავასუფთაოთ საქართველო – საზოგადოების ცნობიერების ამაღლება და მისი ჩართვა მყარი საყოფაცხოვრებო ნარჩენების მართვის გაუმჯობესების პროცესში” ფარგლებში. პროექტს ახორციელდებს “საქართველოს მწვანეთა მოძრაობა/დედამიწის მეგობრები საქართველო” და მდგრადი განვითარების კავშირი “ეკოხედვა”, შვედეთის საერთაშორისო განვითარების სააგენტოს (Sida) ფინანსური უზრუნველყოფით და საქართველოს გარემოს დაცვის სამინისტროს მხარდაჭერით

21 – 28 ოქტომბერი კლიმატის ცვლილების კვირეული საქართველოში

უკვე მეოთხე წელია, რაც საქართველოს მწვანეთა მოძრაობა/დედამიწის მეგობრები-საქართველო ორგანიზებას უწვეს კლიმატის კვირეულის მიმდინარეობას საქართველოში. რომლის მიზანია, საზოგადოების მობილიზება და მისი აქტიური ჩართვა კლიმატის ცვლილებით გამოწვეული პრობლემების შერბილების პროცესებში. კვირეული ისევე როგორც წინა წლებში ტარდება მთელი ქვეყნის მასტაბით და მის ფარგლებში მთელი კვირის განმავლობაში სხვადასხვა ღონისძიებებია დაგეგმილი. კლიმატის ცვლილების კვირეული დაიწყება 21 ოქტომბერს!

2012 წლის კლიმატის კვირეულის გამოწვევაა:

დავიწყოთ მცირედით – ერთად და ნელ-ნელა!

კლიმატის ცვლილების კვირეული წელს ისევე, როგორც წინა წლებში ტარდება საქართველოს მწვანეთა მოძრაობა/დედამიწის მეგობრები – საქართველოს ორგანიზებით, საქართველოში ევროკომისიის დელეგაციის წარმომადგენლობის ფინანსური მხარდაჭერით.

შ ე მ ო გ ვ ი ე რ თ დ ი თ !!!

ერთად ვიაქტიუროდ კლიმატის ცვლილებებით გამოწვეული შედეგების შესარბილებლად, გვახსოვდეს:
კლიმატის ცვლილება … ეს არ არის მითი – ეს რეალობაა!

საერთაშორისო კონფერენცია – „საქართველოში განახლებადი ენერგიების ეფექტურად გამოყენებასა და ენერგოეფექტური ტექნოლოგიების დანერგვაზე ხელშეწყობა“

25 სექტემბერს „შერატონ მეტეხი პალასში“ საქართველოს მწვანეთა მოძრაობა / დედამიწის მეგობრები – საქართველოს ორგანიზებით გაიმართა საერთაშორისო კონფერენცია თემაზე: „საქართველოში განახლებადი ენერგიების ეფექტურად გამოყენებასა და ენერგოეფექტური ტექნოლოგიების დანერგვაზე ხელშეწყობა“.

კონფერენციის მიზანი იყო საქართველოში განახლებადი ენერგიების ეფექტურად გამოყენებისა და ენერგოეფექტური ტექნოლოგიების დანერგვისათვის ხელშეწყობა არასამთავრობო სექტორის ინიციატივების კონსოლიდირების, სამართლებრივი მხარდაჭერის უზრუნველყოფისა და სამთავრობო სტრუქტურებისა და მოსახლეობის ცნობიერების ამაღლების გზით.

კონფერენცია ორგანიზებული იყო ფრიდრიხ ებერტის ფონდის მხარდაჭერით და საერთაშორისო ორგანიზაციასთან „ევროპელი ქალები საერთო მომავლისათვის“ თანამშრომლობით. მასში ადგილობრივი არასამთავრობო ორგანიზაციებისა და ექსპერტების გარდა მონაწილეობდნენ საერთაშორისო ექსპერტები და სპეციალისტები გერმანიიდან, პოლონეთიდან და სხვა ქვეყნებიდან. ასევე, სხვადასხვა საელჩოებისა და საერთაშორისო ორგანიზაციების წარმომადგენლები.

კონფერენციაზე შემუშავდა არასამთავრობო ორგანიზაციათა პოზიციის დეკლარაცია „საქართველოში განახლებადი ენერგიების ეფექტურად გამოყენებასა და ენერგოეფექტური ტექნოლოგიების დანერგვაზე ხელშეწყობასთან“ დაკავშირებით.

16 სექტემბერს დასრულდა კამპანია „დავასუფთაოთ მსოფლიო – დავასუფთაოთ საქართველო“

14-15-16 სეტემბერს მსოფლიოს მრავალ ქვეყანაში ჩატარდა დასუფთავების ყოველწლიური საერთაშორისო კამპანია – ,,დავასუფთაოთ მსოფლიო“ (Clean Up the World), რომელიც 1992 წელს დაფუძნდა გაეროს გარემოსდაცვითი პროგრამის (UNEP) ინიციატივით. კამპანია ტარდება ყოველ სექტემბერს და მასში მონაწილეობას ღებულობს 130-მდე ქვეყანა.
2012 წელს მსოფლიო კამპანიის დევიზია იყო:

ჩვენი ქვეყანა… ჩვენი პლანეტა… ჩვენი პასუხისმგებლობაა

საქართველომ ამ აქციაში უკვე მესამედ მიიღო მონაწილეობა. კამპანია ჩატარდა არასამთავრობო ორგანიზაციათა კონსორციუმის – ,,საქართველოს მწვანეთა მოძრაობა/ დედამიწის მეგობრები საქართველო და მდგრადი განვითარების კავშირი ,,ეკოხედვა~-ს ორგანიზებით, რომლებიც აქტიობებს ახორციელებენ პროექტის – ,,დავასუფთაოთ საქართველო – საზოგადოების ცნობიერების ამაღლება და მისი ჩართვა მყარი საყოფაცხოვრებო ნარჩენების მართვის გაუმჯობესების პროცესში“ ფარგლებში.

14-15-16 სექტემბერს, კამპანიის ფარგლებში, ქ. თბილისში დასუფთავდა მტკვრის მარჯვენა სანაპირო ქვემო ფონიჭალის დასახლებაში, დიღმის მასივში მდ. დიღმულას მონაკვეთი, ბავშვთა ქალაქი მზიურის მიმდებარედ მდ. ვერეს ხეობა, დიღმის ტყე-პარკი, ვაკის პარკი, თბილისის ზღვისა და ჯვრის მონასტრის მიმდებარე ტერიტორიები.

დასუფთავების აქციები ჩატარდა ქვეყნის ყველა თვითმმართველ ქალაქსა და მუნიციპალიტეტში, პროექტის ადგილობრივი კოორდინატორების ორგანიზებით.

მთელი საქართველოს მასშტაბით, აღნიშნულ კამპანიაში, მონაწილეობა მიიღეს ადგილობრივი მუნიციპალიტეტების და საკრებულოების წარმომადგენლებმა, სხვადასხვა უმაღლესი სასწავლებლების სტუდენტებმა, სკოლის მოსწავლეებმა, მოსახლეობამ, სხვადასხვა საზოგადოებრივმა და პოლიტიკურმა ორგანიზაციებმა, უცხოელმა მოხალისეებმა, ესტონეთის საელჩომ, სასტუმრო “Sheraton Metechi Palace”, კომპანია „სან იოგა თბილისის“ წარმომადგენლობამ.

პროექტი ხორციელდება გარემოს დაცვის სამინისტროს მხარდაჭერით და შვედეთის საერთაშორისო განვითარების სააგენტოს (Sida) ფინანსური უზრუნველყოფით.

14 სექტემბერს იწყება კამპანია „დავასუფთაოთ მსოფლიო – დავასუფთაოთ საქართველო“

14 სექტემბერს იწყება კამპანია
„დავასუფთაოთ მსოფლიო – დავასუფთაოთ საქართველო“

14-15-16 სეტემბერს მსოფლიოს მრავალ ქვეყანაში ტარდება დასუფთავების ყოველწლიური საერთაშორისო კამპანია – ,,დავასუფთაოთ მსოფლიო“ (Clean Up the World), რომელიც 1992 წელს დაფუძნდა გაეროს გარემოსდაცვითი პროგრამის (UNEP) ინიციატივით. კამპანია ტარდება ყოველ სექტემბერს და მასში მონაწილეობას ღებულობს 130-მდე ქვეყანა. 
2012 წელს მსოფლიო კამპანიის დევიზია:

ჩვენი ქვეყანა… ჩვენი პლანეტა… ჩვენი პასუხისმგებლობა

საქართველო ამ აქციაში უკვე მესამედ ღებულობს მონაწილეობას. კამპანიის ორგანიზატორია არასამთავრობო ორგანიზაციათა კონსორციუმი – ,,საქართველოს მწვანეთა მოძრაობა/ დედამიწის მეგობრები საქართველო და მდგრადი განვითარების კავშირი ,,ეკოხედვა~, რომელიც აქტიობებს ახორციელებს პროექტის – ,,დავასუფთაოთ საქართველო – საზოგადოების ცნობიერების ამაღლება და მისი ჩართვა მყარი საყოფაცხოვრებო ნარჩენების მართვის გაუმჯობესების პროცესში“ ფარგლებში.

14-15-16 სექტემბერს დასუფთავების აქციები ჩატარდება, პროექტის ადგილობრივი კოორდინატორების ორგანიზებით, თბილისში და ქვეყნის ყველა თვითმმართველ ქალაქსა და მუნიციპალიტეტში.

გთხოვთ, გამოიჩინოთ ინიციატივა და თქვენს კოლეგებთან, მეგობრებთან, ოჯახის წევრებთან ერთად შემოგვიერთდით 14 – 15 – 16 სექტემბრის დასუფთავების აქციებში, ან თავად შეარჩიეთ დაბინძურებული ტერიტორიები თქვენს ირგვლივ და დაასუფთავეთ!

გახსოვდეთ, ეს ჩვენი პასუხისმგებლობაა!!!
შემოგვიერთდით!
პროექტი ხორციელდება გარემოს დაცვის სამინისტროს მხარდაჭერით და შვედეთის საერთაშორისო განვითარების სააგენტოს (Sida) ფინანსური უზრუნველყოფით. 

გარემოსდაცვითი განათლების კვირეული

31 აგვისტოს გარემოსდაცვითი განათლების კვირეულის ფარგლებში საქართველოს მწვანეთა მოძრაობა/დედამიწის მეგობრები–საქართველოს ინიციატივით მოეწყო საგანმანათლებლო და მეთოდური სახელმძღვანელოს “გარემოსდაცვითი განათლება მდგრადი განვითარებისათვის” პრეზენტაცია.
სახელმძღვანელო შემუშავებულია საქართველოს მწვანეთა მოძრაობის მიერ და წარმოადგენს ორგანიზაციის მიერ წლების განმავლობაში გარემოსდაცვითი განათლების მიმართულებით განხორციელებული პროგრამებისა და კამპანიების შედეგს.
პრეზენტაციას ესწრებოდნენ სხვადასხვა არასამთავრობო ორგანიზაციების, ფონდებისა და უმაღლესი სასწავლებლების წარმომადგნლები. სახელმძღვანელომ დამსწრე საზოგადოებაში დიდი ინტერესი გამოიწვია.

წყლის უსაფრთხოების გეგმები საქართველოში

საქართველოს მწვანეთა მოძრაობა/დედამიწის მეგობრები საქართველო-ს ორგანიზებით 31 აგვისტოს, თბილისში გაიმართა პროექტის წარდგინება სახელწოდებით „წყლის უსაფრთხოების გეგმების (წუგ) შემუშავება სკოლების მონაწილეობით”. ღონისძიება ჩატარდა საქართველოში მომდინარე გარემოსდაცვითი განათლების კვირეულის ფარგლებში (27აგვისტო – 2 სექტემბრი) და მასში მონაწილეობას ღებულობდნენ მოწვეული ექსპერტები, არასამთავრობო და სამთავრობო ორგანიზაციების, ფონდებისა და უმაღლესი სასწავლებლების წარმომადგნლები.
ორგანიზაციის თანათავმჯდომარემ რუსუდან სიმონიძემ ისაუბრა წყლის უსაფრთხოების გეგმების ძირითად პრინციპებსა და მეთოდიკაზე, ასევე მისი განხორციელების მნიშვნელობაზე, ადგილობრივი მოსახლეობის აქტიურობისა და მათი ჩართულობის აუცილებელ როლსა და მნიშვნელობაზე სასმელი წყლის ხარისხის მონიტორინგსა და გაუმჯობესებაზე, ასევე ადგილობრივი სკოლების ჩართულობასა და დაინტერესებაზე. 
საქართველოს ეკოლოგიური და ბიოლოგიური მონიტორინგის ასოციაციის დირექტორმა მანანა ჟურულმა აუდიტორიას წარუდგინა სახელმძღვანელო მოსწავლეებისა და მასწავლებლებისათვის ,,წყლის უსაფრთხოების გეგმები მცირე წყალმომარაგების სისტემებისათვის“. სახელმძღვანელო მომზადებულია და ქართულად გამოცემული ორგანიზაცია „ევროპელი ქალები საერთო მომავლისათვის-WECF და მასში განხილულია სხვადასხვა თემები და საკითხები. განსაკუთრებული ყურადღება დაეთმო სკოლების მონაწილეობით წყლის უსაფრთხოების გეგმების კამპანიის დაგეგმვის ასევე მოსწავლეთა, მასწავლებელთა და ადგილობრივი მოსახლეობის ჩართულობას. 
„ტრანსსაზღვრო წყლების, საერთაშორისო ტბების დაცვისა და გამოყენების“ კონვენციის, „წყალი და ჯანმრთელობის პრობლემების ოქმის“ ეროვნულმა საკონტაქტო პირმა საქართველოში ქ-მა ნანა გაბრიაძემ წარადგინა ჯანმთელობის მსოფლიო ორგანიზაციის (WHO) „წყლის უსაფრთხოების გეგმის სახელმძღვანელო: რისკის ეტაპობრივი მართვა სასმელი წყლის მიმწოდებლებისათვის. მომხსენებელმა ისაუბრა სახელმძღვანელოს გამოცემის მიზანსა და მის პრაქტიკაში დანერგვის შესაძლებლობაზე.
წყლის უსაფრთხოების გეგმის სკოლების მონაწილეობით პრაქტიკაში განხორციელების შესახებ ისაუბრა „კავკასიის ეკოლოგიის“ ხელმძღვანელმა მანანა დევიძემაც, კერძოდ მარტვილის მუნიციპალიტეტის სოფ. ნაჯახაოს მაგალითზე, ხოლო საქართველოს მწვანეთა მოძრაობა/დედამიწის მეგობრები-საქართველოს წარმომადგენელმა მარი მათიაშვილმა საგარეჯოს მინციპალიტეტის სოფელ მანავის მაგალითზე.
ღონისძიების მიმდინარეობისას საუბარი ოყო პროექტის საწყის ეტაპზე განხორციელებულ ქმედებებზე, რომლის დროსაც ბენეფიციარებს მიეწოდათ სრულყოფილი ინფორმაცია წუგ-ის მნიშვნელობასა და დაბინძურებული წყლით მიერ გამოწვეულ შესაძლო რისკებზე. პედაგოგებს ჩაუტარდათ სპეციალური ტრენინგები. გამოიკვეთა მოსწავლეთა განსაკუთრებული აქტივობაც კონკრეტული ქმედებების, კერძოდ კი მონიტორინგის წარმოების პროცესში. 
საქართველოში პროექტი “წყლის უსაფრთხოების გეგმების (წუგ) შემუშავება სკოლების მონაწილეობით” განხორციელდა 6 სოფელში საქართველოს მწვანეთა მოძრაობა/დედამიწის მეგობრები–საქართველოს, ეკოლოგიური და ბიოლოგიური მონიტორინგის ასოციაციის, კავკასიის ეკოლოგიისა და სოფლად თემთა განვითარების სააგენტოს მიერ, ევროპელი ქალები საერთო მომავლისათვის (WECF) თანამშრომლობით.

შეხვედრები არასამთავრობო და ბიზნეს სექტორების წარმომადგენლებთან

24 და 27 ივლისს საქართველოს მწვანეთა მოძრაობა/დედამიწის მეგობრები – საქართველოს ორგანიზებით, პროექტის „საქართველოში განახლებადი ენერგიების ეფექტურად გამოყენებასა და ენერგოეფექტური ტექნოლოგიების დანერგვაზე ხელშეწყობა“ ფარგლებში, გაიმართა სამუშაო შეხვედრები არასამთავრობო ორგანიზაციებისა და ბიზნეს-სექტორების წარმომადგენლებთან. შეხვედრებზე წარმოდგენილი იყო პროექტის განმახორციელებელი ჯგუფისა და თემატური ჯგუფების მიერ შემუშავებული პრეზენტაციები და რეკომენდაციები. გამოითქვა წინადადებები პროექტის ფარგლებში შემუშავებული დოკუმენტების შემდგომი სრულყოფისათვის.

პროექტის ფარგლებში შექმნილია თემატური სამუშაო ჯგუფები, რომლებმაც შეიმუშავა პრეზენტაციები და რეკომენდაციები შემდეგი მიმართულებებით:
• საქართველოში მზის, ბიომასის, გეოთერმული და ქარის ენერგიის პოტენციალის შეფასება და რეალური გამოყენების პერსპექტივები;
• საქართველოში ენერგოეფექტურობის აუცილებლობა, მისი ათვისების პოტენციალი და მოსალოდნელი ეფექტი;
• საქართველოში მზის, ქარის და გეოთერმული წყლების ენერგიების ეფექტურად გამოყენებასა და ენერგოეფეტურობასთან დაკავშირებით არსებული საკანონმდებლო ბაზის ანალიზი და სრულყოფის რეკომენდაციები;
• საქართველოს ინოვაციური ინტელექტუალური პროდუქტის პრაქტიკული გამოყენების მდგომარეობა და პერსპექტივები.

24 და 27 ივლისის შეხვედრებზე გაიმართა დისკუსია სამუშაო ჯგუფების მიერ მომზადებულ პრეზენტაციებთან და დისკუსიებთან დაკავშირებით. გამოიკვეთა რამდენიმე საკითხი რომლებიც გათვალისწინებული იქნება საბოლოო დოკუმენტში.

პროექტის განმახორციელებელი და თემატური ჯგუფების წევრები კვლავაც აქტიურად განაგრძობენ შეხვედრებს დაინტერესებული მხარეების წარმომადგენლებთან. დაგეგმილია წარმომადგენლობითი კონფერენციის ჩატარება და დეკლარაციი შემუშავდება, რომელიც წარედგინება შემდგომში შესამაბისი სახელმწიფო უწყებების წარმომადგენლებს.

პროექტი „საქართველოში განახლებადი ენერგიების ეფექტურად გამოყენებასა და ენერგოეფექტური ტექნოლოგიების დანერგვაზე ხელშეწყობა“ ხორციელდება საქართველოს მწვანეთა მოძრაობა/დედამიწის მეგობრები – საქართველოს მიერ, ფრიდრიხ ებერტის ფონდის მხარდაჭერით.

საქართველოს არასამთავრობო ორგანიზაციათა და ექსპერტთა პოზიციის დეკლარაცია საშიში ქიმიური ნივთიერებების მართვისა და რეგულირების საკითხებზე

ბოლო ათწლეულების განმავლობაში ქიმიური ნივთიერებების წარმოების მოცულობისა და ამ სფეროში ვაჭრობის სწრაფმა ზრდამ და საშიში ქიმიური ნივთიერებების, მ.შ. პესტიციდების გამოყენებასთან დაკავშირებულმა შესაძლო რისკმა, მსოფლიო საზოგადოებისა და ოფიციალური წრეების შეშფოთება გამოიწვია.
ამ მხრივ, განსაკუთრებით სავალალო მდგომარეობაა იმ ქვეყნებში, სადაც არ არის შექმნილი ამ ნივთიერებების იმპორტსა და გამოყენებაზე მონიტორინგის განხორციელებისათვის აუცილებელი ინფრასტრუქტურა.
მიუხედავად იმისა, რომ საქართველო წარმოადგენს ამ საკითხების მარეგულირებელი არაერთი კონვენციისა და საერთაშორისო შეთანხმების ხელმომწერ მხარეს, ამ დეკლარაციაზე ხელმომწერნი ვთვლით, რომ ამ მიმართებით საქართველოში არსებული მდგომარეობა საგანგაშოა, რის გამოც:
შეშფოთებულნი ვართ საშიში, საერთაშორისო კონვენციებით აკრძალული ქიმიური ნივთიერებების საქართველოში ოფიციალური გზებით იმპორტირების არაერთი ფაქტის გამო;
შეშფოთებულნი ვართ საეჭვო წარმომავლობის, შემადგენლობისა და გამოუცდელი საშიში ქიმიური ნივთიერებებით (პესტიციდებით) საქართველოს ბაზრის გაჯერების ფაქტის გამო;
მიგვაჩნია, რომ ქვეყანაში მოიშალა და ახალით არ ჩანაცვლებულა სასოფლო–სამეურნეო, საყოფაცხოვრებო, კოსმეტიკური, სამრეწველო და სხვა დანიშნულების, აგრეთვე სამშენებლო მასალებში გამოყენებული საშიში ქიმიური ნივთიერებების რეგულირებისა და მონიტორინგის საკანონმდებლო ნორმები, ინსტიტუციონალური და კადრების მომზადების სისტემები,
შევახსენებეთ საქართველოს მთავრობას, რომ საერთაშორისო კოვნენციებისა და შეთანხმებების მხარე saxelmwifoebi pasuxismgebelni arian saerTaSoriso movaleobebis Sesrulebaze da pasuxs ageben saerTaSoriso samarTlis Sesabamisad adamianis janmrTelobis dacvaსთან, garemos dacvasa da konservaciaსთან დაკავშირებით აღებული ვალდებულებების შეუსრულებლობის გამო;
darwmunebulni ვართ, rom საქართველოს saxelmwifom unda uzrunvelyoს საშიში ქიმიური და სხვა შეზღუდულად ბრუნვადი ნივთიერებების რეგულირების სფეროში საერთაშორისო თანამეგობრობის წინაშე აღებული ვალდებულებების ჯეროვანი შესრულება;
ვიშველიებთ ra, საერთაშიროსო კონვენციებით აღიარებულ პრინციპს, რომ yvela saxelmwifos aqvs suverenuli ufleba akrZalos saxifaTo da sxva narCenebis Setana an ganTavseba Tavis teritoriaze, მოვუწოდებთ საქართველოს მთავრობას და პარლამენტს, კატეგორიულად აკრძალონ სხვადასხვა კონვენციის მიხედვით აკრძალულად მიჩნეული ქიმიური ნივთიერებებისა და ნარჩენების იმპორტი, რეექსპორტი და დააწესონ მკაცრი რეგლამენტი პოტენციურად ამ საფრთხის შემცველი სხვა ნივთიერებების იმპორტირებასა და მოხმარებაზე.
მივმართავთ მსოფლიო თანამეგობრობას, რომ ზეგავლენა მოახდინონ საქართველოს მთავრობაზე საშიში ქიმიური ნივთიერებების რეგულირების სფეროში არსებული გულგრილობის დაძლევის მისაღწევად და ამავე დროს, აღმოუჩინონ მას ფინანსური, მატერიალური და ინტელექტუალური მხარდაჭერა არსებული მდგომარეობის უმოკლეს პერიოდში რადიკალურად გამოსწორების მიზნით; მიზანშეწონილად მიგვაჩნია გარემოსდაცვითი მცირენარჩენიანი ტექნოლოგიების, რეციკლირების საშუალებების, ბიომეურნეობებისა და მართვის სისტემების განვითარებისა და მათი დანერგვის საკანონმდებლო და ეკონომიკური ხელშეწყობა;
ვacnobierebთ ra, საშიში ქიმიური ნივთიერებებისა da სახიფათო ნარჩენების საზღვარგადამკვეთი გადაზიდვის, აგრეთვე მათი უკონტროლო და საფრთხის გაცნობიერების გარეშე მოხმარების შედეგად ადამიანის ჯანმთელობისა და გარემოსათვის მზარდ საფრთხეს, საქართველოს მთავრობას მივმართავთ შემდეგი რეკომენდაციებით:

• შექმნას საშიში ქიმიური ნივთიერბების რეგულირების ახალი, ევროპის კანონმდებლობასთან ჰარმონიზებული საკანონმდებლო ბაზა და ამ საკანონმდებლო ნორმების რელურად ამოქმედების მექანიზმები;
• ინტერესთა კონფლიქტის სრული გამორიცხვის გათვალისწინებით, მკვეთრად გამიჯნოს უფლებები და ვალდებულებები იმ სახელმწიფო სტრუქტურებს შორის, რომლებსაც მინიჭებული ექნებათ საშიში ქიმიური ნივთიერებების რეგულირების ფუნქციები;
• დახვეწოს და ზედმიწევნით აქტიური გახადოს ქვეყანაში იმპორტირებას დაქვემდებარებული საშიში ქიმიური ნივთიერებების ტესტირების, გამოცდის, რეგისტრირებისა და მონიტორინგის მოქნილი სისტემის როგორც საკანონმდებლო, ასევე ინსტიტუციონალური ბაზა, ამოქმედდეს პრინციპი –„დამბინძურებელი იხდის“;
• მიღწეულ იქნას უფლაბამოსილი სახელმწიფო მარეგულირებელი სტრუქტურების კოორდინირებული საქმიანობა და გამოირიცხოს ყოველგვარი უწყებრივი ინტერესი;
• გადაუდებლად შეიქმნას საშიში ქიმიური ნივთიერებების ტესტირების, გამოცდისა და მათზე მონიტორინგისათვის აუცილებელი მატერიალური და ტექნიკური ბაზა;
• რადიკალურად შეიცვალოს მიდგომები საშიში ქიმიური ნივთიერებების, ან მათი შემცველი ნივთიერებებისა და მასალების შესახებ ინფორმაციის მიღებისა და გავრცელების სისტემისადმი და ორიენტირად იქნეს აღებული მიზანი, რომლის დროსაც მიიღწევა ამ ნივთიერებეთან შეხებაში მყოფი თითოეული ადამინის, განსაკუთრებით კი ბავშვის სრული და გათავისებული ინფორმირებულობა;
• შექმნას ერთიანი საინფორმაციო ბაზა, სადაც ინფორმაცია განთავსდება მოსახლეობის ფართო მასებისათვის გასაგები ფორმით;
• დადგინდეს საშიში ქიმიური ნივთიერებების, ან მათი შემცველი ნივთიერებებისა და მასალების, მარკირებისა და ეტიკეტირების უმკაცრესი ნორმები, სადაც გადმოცემული იქნება შესაძლოდ მაქსიმალური ინფორმაცია ამ ნივთიერებების მავნე თვისებებზე;
• გადაიხედოს საშიში ქიმიური ნივთიერებების, ან მათი შემცველი ნივთიერებებისა და მასალების, შენახვის, დაფასოების და რეალიზაციის არსებული წესები და დადგინდეს როგორც ადმინისტრაციული, ასევე სისხლის სამართლებრივი მოთხოვნები ამ ნორმების დარღვევისათვის, ასეთი მოთხოვნები უნდა არსებობდეს თვით მომხმარებელთა მიმართაც;
• გამკაცრდეს მოთხოვნები საშიში ქიმიური ნივთიერებების მოხმარების თაობაზე მოსახლეობის ინფორმირებულობის უზრუნველყოფის მიზნით;
• დაინტერესდეს 2010–2012 წლებში საქართველოში იმპორტირებული საშიში ქიმიური ნითიერებების კანონიერების საკითხით;
• საშიში ქიმიური ნივთიერებების ბრუნვის სრული გამჭვირვალეობის მისაღწევად დაიხვეწოს კოდიფიცირების სისტემა და მექანიზმები;
• გადაუდებლად იქნას შემოღებული საშიში ქიმიური ნივთიერებების ქვეყნის შიგნით ბრუნვაზე მონიტორინგის განხორციელებისათვის აუცილებელი მექანიზმები;
• დაინერგოს საქართველოს სავარგულების კვლევის სისტემა, საშიში ნივთიერებების მოხმარების შედეგად ნიადაგების, წყლისა და ატმოსფეროს დაბინძურების დონის განსაზღვრისა და ამ პარამეტრების მუდმივი მონიტორინგის მიზნით;
• ყოველგვარი პირობების გარეშე, გადაუდებლად და ცალსახად აიკრძალოს ასბესტის შემცველი სამშენებლო და სხვა მასალების იმპორტი საქართველოში, პარალელურად მოხდეს ბაზარზე ჯერ კიდევ არსებული მარაგის უტილიზაცია წესების სრული დაცვით;
• გადაიხედოს საქართველოში ნებადართული საიმპორტო პესტიციდების ნუსხა და მიზანშეწონილობის თვალსაზრისით მინიმუმამდე იქნას დაყვანილი მათი რაოდენობა;
• კიდევ ერთხელ აღიროცხოს საქართველოში არსებული გამოუყენებელი პესტიციდების მარაგი და მოხდეს მათი ტრანსპორტირება მწარმოებელ ქვეყანაში;
• შემუშავდეს და დაინერგოს ფერმერთა ფინანსური მხარდაჭერის მექანიზმები, რათა მათ შეძლონ არეფექტურის ნაცვლად ეფექტური და აპრობირებული პეცტიციდების გამოყენება, ხოლო უახლოეს მომავაში ქიმიკატები ჩაანაცვლონ მცენარეთა დაცვისა და სტიმულირების ბიოსაშუალებებით;
• დაინერგოს სავალდებულო მკაცრი საკანონმდებლო მოთხოვნები პესტიციდების ტარის აღიცხვის, შეგროვებისა და უტილიზაციის თვალსაზრისით;
• გადაიდგას რადიკალური ნაბიჯები ბიომეურნეობების განვითარების საკანონმდებლო და ეკონომიკური მხარდაჭერის თვალსაზრისით;
• ხელი შეეწყოს ქიმიურ საშუალებებთან ურთიერთობის ინდივიდუალური დაცვის საშუალებების წარმოებასა და იმპორტს მათი დაბალ ფასებში რეალიზაციის მიღწევის მიზნით;
• საქართველოს მთავრობამ მიმდინარე წლის განმავლობაში ჩაატაროს სპეციალური კვლევა საქართველოში რეალიზებადი სამშენებლო და სარემონტო–სამონტაჟო, აგრეთვე საყოფაცხოვრებო დანიშნულების ნივთების, მასალებისა და ნივთიერებების ეკოლოგიური უსაფრთხოების თვალსაზრისით და მიიღოს შესაბამისი ზომები, უზრუნველყოს ამ კვლევის შედეგების საჯაროობა;

ხელმომწერი ორგანიზაციები:

• საქართველოს მწვანეთა მოძრაობა/დედამიწის მეგობრები-საქართველო
• სოფლად თემთა განვითარების სააგენტო
• საქართველოს ეკოლოგიურ მიწათმოქმედთა ასოციაცია „სემა“
• მწვანე გზა
• გარემოს დაცვის ლიგა
• ფონდი “კავკასიის ეკოლოგია“
• ახალციხის საზოგადოებრივი განვითარების ცენტრი
• საქართველოს საერთაშორისო განვითარების სააგენტო
• ინტელექტი- ქვეყნის სამსახურში
• სიმართლისა და სამართლის ჩაგრულთა და პატიმართა უფლებების დაცვისა და
სოციალური უზრუნველყოფის საერთაშორისო ორგანიზაციისსახელით,
ორგანიზაციის პრეზიდენტი გივი მუმლაძე

ხელმოწერები გრძელდება ……………………………………………….

გადასვლა ზემოთ