დასუფთავების აქცია ქ. ქუთაისში

in სიახლეები by

საქართველოს მწვანეთა მოძრაობა/დედამიწის მეგობრები საქართველოს ქ. ქუთაისის რეგიონალური კოორდინატორის ორგანიზებითა და ადგილობრივი ხელისფლების მხარდაჭერით, ავტოქარხნის დასახლებაში 22 მარტს, წყლის რესურსების დაცვის დღის ფარგლებში ჩატარდა დასუფთავების აქცია.

აქციის დროს დასუფთავდა მდინარე ოლასყურას სანაპირო ზოლის დაახლოებით 0,5 ჰა ფართობის მონაკვეთი, შეგროვდა 2 მ3 მოცულობის ნარჩენი, მონაწილეობა მიიღო 40-მდე მოხალისემ.

დასუფთავების აქცია ქ. ქუთაისში ჩატარდა პროექტის – „დავასუფთაოთ საქართველო-ფაზა III“ ფარგლებში, რომელსაც ახორციელებს არასამთავრობო ორგანიზაციათა კონსორციუმი – ,,საქართველოს მწვანეთა მოძრაობა/დედამიწის მეგობრები-საქართველო, საქართველოს ბუნების მკვლევართა კავშირი „ორქისი“ და „ეკოლოგიური ცნობიერების ამაღლება და ნარჩენების მართვა“. პროექტი ხორციელდება შვედეთის მთავრობის ფინანსური უზრუნველყოფით, გარემოს დაცვისა და ბუნებრივი რესურსების სამინისტროს მხარდაჭერით, მყარი ნარჩენების მართვის კომპანიასთან თანამშრომლობით.

Leave a Reply

Your email address will not be published.

*