დასუფთავების აქცია დაბა ურეკში

in სიახლეები by

დაბა ურეკში,  საქართველოს მწვანეთა მოძრაობა/დედამიწის მეგობრები – საქართველოს გურიის რეგიონის ადგილობრივი კოორდინატორის ორგანიზებითა და ადგილობრივი ხელისუფლების მხარდაჭერით, კამპანიების “დავასუფთაოთ საქართველო” და „ლურჯი ნაკადულის“ ფარგლებში, 23 მარტს ჩატარდა  შავის ზღვის სანაპირო ზოლის დასუფთავების აქცია,  რომელიც მიეძღვნა წყლის რესურსების დაცვის საერთაშორისო დღეს.

აქციის ფარგლებში დასუფთავდა დაახლოებით 1 ჰა ფართობის ტერიტორია, შეგროვდა 25 მ3 მოცულობის ნარჩენი. შავის ზღვის სანაპირო ზოლის დასუფთავების აქციაში მონაწილეობა მიიღეს ურეკის საჯარო სკოლის მოსწავლეებმა, მაგნეტიტის მოსახლეობამ და ადგილობრივი ხელისუფლების წარმომადგენლებმა, 55-მა ადგილობრივმა.

დასუფთავების აქცია დაბა ურეკში ჩატარდა პროექტის – „დავასუფთაოთ საქართველო-ფაზა III“ ფარგლებში, რომელსაც ახორციელებს არასამთავრობო ორგანიზაციათა კონსორციუმი – ,,საქართველოს მწვანეთა მოძრაობა/დედამიწის მეგობრები-საქართველო, საქართველოს ბუნების მკვლევართა კავშირი „ორქისი“ და „ეკოლოგიური ცნობიერების ამაღლება და ნარჩენების მართვა“. პროექტი ხორციელდება შვედეთის მთავრობის ფინანსური უზრუნველყოფით, გარემოს დაცვისა და ბუნებრივი რესურსების სამინისტროს მხარდაჭერით, მყარი ნარჩენების მართვის კომპანიასთან თანამშრომლობით.

Leave a Reply

Your email address will not be published.

*