წყლის რესურსების დაცვის დღე წყალტუბოში!

in სიახლეები by

22 მარტს, წყლის რესურსების დაცვის საერთაშორისო დღეს, ქ. წყალტუბოში, საქართველოს მწვანეთა მოძრაობა/დედამიწის მეგობრები-საქართველოს რეგიონალური კოორდინატორის ორგანიზებითა და ადგილობრივი ხელისუფლების წარმომადგენლების მონაწილობით, კამპანიების „დავასუფთაოთ საქართველო“ და „ლურჯი ნაკადულის“ ფარგლებში ჩატარდა  დასუფთავების აქცია ცივი ტბის მიმდებარე ტერიტორიაზე.

აქციის ფარგლებში დასუფთავდა დაახლოებით 1,2 ჰექტრამდე ტერიტორია, შეგროვდა 0,7 მ3 მოცულობის ნარჩენი. მონაწილობა მიიღო 20 მოხალისემ.

ცივი ტბის დასუფთავების აქცია ჩატარდა პროექტის – „დავასუფთაოთ საქართველო-ფაზა III“ ფარგლებში, რომელსაც ახორციელებს არასამთავრობო ორგანიზაციათა კონსორციუმი – ,,საქართველოს მწვანეთა მოძრაობა/დედამიწის მეგობრები-საქართველო, საქართველოს ბუნების მკვლევართა კავშირი „ორქისი“ და „ეკოლოგიური ცნობიერების ამაღლება და ნარჩენების მართვა“. პროექტი ხორციელდება შვედეთის მთავრობის ფინანსური უზრუნველყოფით, გარემოს დაცვისა და ბუნებრივი რესურსების სამინისტროს მხარდაჭერით, მყარი ნარჩენების მართვის კომპანიასთან თანამშრომლობით.

Leave a Reply

Your email address will not be published.

*